Көк майсаң көркөм, ай, тектирдин,
Гүлдөрүн искеп, ай, көп бердиң.
Сырланган сулуу кызгалдак,
Сыймыгы белең, ай, көктөмдүн?

Кайырма:
Кызгалдак, кызгалдак,
Сыймыгы белең, ай, көктөмдүн?
Кызгалдак, кызгалдак,
Сыймыгы белең, ай, көктөмдүн?

Кубанып карап, ай, күлүпмүн,
Аралап басып, ай, жүрүпмүн.
Көктөмдү сүйгөн кызгалдак,
Күлкүсү белең, ай, жигиттин?

Кайырма:
Кызгалдак, кызгалдак,
Күлкүсү белең, ай, жигиттин?
Кызгалдак, кызгалдак,
Күлкүсү белең, ай, жигиттин?

Куудуңдап кыштын, ай, ызгаарын,
Ордуна өстүң, ай, муз-кардын.
Көктөмдөр сүйгөн кызгалдак,
Курдашы белең, ай, кыздардын.

Кайырма:
Кызгалдак, кызгалдак,
Курдашы белең, ай, кыздардын?
Кызгалдак, кызгалдак,
Курдашы белең, ай, кыздардын?