Мурунураак жетсем го тилегиме,
Жүрбөйт белем жылынып илебиңе.
Сугун арткан көздөргө урундурбай,
Сени катып алмакмын мен жүрөгүмө.

Жолго чыксам биргесиң сапарымда,
Бассам бирге жүрөсүң катарымда.
Айтчы деги сезбедиң, оюмдасың,
Жадакалса мен уктап жатаарымда.

Карааныңды көргөндө толкунданам,
Деги кимдер гүлдөргө кол сунбаган.
Айтчы деги кайда элең,көрбөдүм го,
Мен жигит ай кезимде солкулдаган?