Жүрөктү катуу сыздатып,
Жан дүйнөм кетет кыйналып.
Агамды ай, агамды ой, эстегенде,
Көзүмөн кетет жаш агып.

Артынан туяк калтырып,
Алыска учту талпынып.
Агамды ай, агамды ой, элестетсем,
Тагдырга келем таарынып.

Төрт бурчта жалгыз тынч алып,
Эртелеп кетти мынчалык.
Агамды ай, агамды ой, сагынганда
Сарсанаа болом үн салып.

Эр жүрөк агам бар эле,
Үйүнө кайтып келген жок.
Жарыкка ай, жарыкка ой, келген баласын,
Бир жолу чиркин көргөн жок.