Тектир, тектир, тектир сазын тебишип,
Тебишип ойнойт түрдүү каздар.
Теңтушту теңтуш сагынса,
Тегеренет экен, ой, көздөн жаш.

Кайырма:
Кайдасыңар, теңтуш балдар?
Классташтар, кайда алар?
Келгилечи жолугууга,
Көңүл ачып отурууга.
Теңтуштар, ансыз деле өмүр аз, ээй,
Теңтуштар, өмүр аз, эй.

Курбу, курбу, курбу сазы,
Куушуп ойнойт түрдүү каз.
Курбуну курбу сагынса,
Куюлат экен, ой, көздөн жаш.

Кайырма:
Кайдасыңар, курбу кыздар?
Классташтар, кайда алар?
Келгилечи жолугууга,
Көңүл ачып отурууга.
Курбулар, ансыз деле өмүр аз, ээй,
Курбулар, өмүр аз, эй.